Në ditët e fundjavës vendi ynë mbetet nën ndikimin e fushave të presionit të lartë. Ndërkohë, nga Atlantiku një vorbull ciklonike do të depërtojë deri mbi Itali, që do të sjell masa më të ngrohta ajrore nga Afrika veriore mbi rajon, masa këto që do të kushtëzojnë mot më të ngrohtë përgjatë kësaj periudhe.

Në fillim të javës, turbullira, nga kjo vorbull ciklonike, pritet të kalojnë mbi rajonin tonë, ku pritet të sjellin vransira dhe reshje lokale shiu, kryesisht ditën e martë.

Duhet cekur po ashtu, se me depërtimin e kësaj vorbulle ciklonike, nga shkretëtirat e Afrikës, gjatë ditës së diel dhe të hënën, do të ketë edhe rritje të koncentrimit të pluhurit në atmosferë, që mund të ndikojë edhe në rritjen e indeksit të kualitetit të ajrit (AQI), apo rritjen e ndotjes së ajrit.

27.10-28.10 – Mot i ngrohtë, pjesërisht i vranët.

29.10 – Mot kryesisht me vranësira. Në mëngjes vende-vende mundësi për riga lokale shiu.

30.10 – Mot kryesisht me vranësira, e gjatë ditës priten edhe reshje lokale shiu.

31.10 – Mot i mirë, pjesërisht i vranët.

Temperaturat e ajrit, do të rriten ndjeshëm mbi vlera mesatare. Minimalet do të luhaten nga 4C deri në 12C, e maksimalet nga 20C deri në 22C.

Sipas Prishtina Weather, do të fryjë erë mesatarisht e fuqishme nga jugu-juglindja 5-12m/s. Shtypja atmosferike gradualisht do të zbres në vlera normale.

Sot, më 02.05.2024, për herë të parë u mbajt kuvendi themelues i shoqatës sportive të Policisë së Kosovës.

Iniciativën për themelimin e kësaj shoqate e ka marrë drejtori i përgjithshëm i Policisë, kolonel Gazmend Hoxha.

Në kuvendin e sotëm mori pjesë drejtori Hoxha me stafin e lartë menaxhues, si dhe 26 delegatët e kuvendit themelues të shoqatës.

“Kuvendi zgjodhi organet drejtuese, aprovoi statutin e shoqatës sportive si dhe caktoi përgjegjësit për themelimin e klubeve sportive në kuadër të shoqatës sportive të Policisë së Kosovës” – tha Policia në komunikatën për media.

Qëllimi i kësaj shoqate, sipas Policisë, është që të integrohen në federatat e ndryshme sportive me disiplina si futboll të vogël, volejboll, xhudo, atletikë, shenjëtari, shah e të tjera.

Policia vlerësoi se kjo do të ndikojë në integrimin, qasjen dhe afërsinë e drejtpërdrejtë të Policisë me komunitetin, për të treguar disiplinën dhe profesionalizmin e zyrtarëve policorë edhe jashtë detyrës policore.

Në komunikatë u tha se shoqata sportive e Policisë së Kosovës bazuar në procedurat e parapara ligjore do të vazhdojë me aplikim në institucionet relevante për licencim dhe procedura të mëtejme.