SHBA akuzon “Apple” për monopolizimin e tregut të smartfonëve

Shtetet e Bashkuara të Amerikës kanë ngritur një padi historike kundër “Apple”, duke e akuzuar gjigantin e teknologjisë për monopolizimin e tregut të smartfonëve dhe shtypjen e konkurrencës, raporton BBC.

Në këtë padi, Departamenti i Drejtësisë pretendon se kompania përdori kontrollin e saj të iPhone për të kufizuar ilegalisht konkurrentët dhe opsionet e konsumatorëve.

Padia e akuzon atë për shtypjen e rritjes së aplikacioneve të reja dhe reduktimin e tërheqjes së produkteve rivale.

Në një deklaratë, Prokurori i Përgjithshëm, Merrick Garland, tha të enjten se konsumatorët “nuk duhet të paguajnë çmime më të larta për shkak se kompanitë e shkelin ligjin”.

siç raporton BBC, “Apple” është zotuar se do ta luftojë “fuqishëm” padinë dhe i mohon pretendimet.