Zelenskiy shpreh ‘solidaritetin’ me Izraelin
Presidenti i Ukrainës, Volodymyr Zelenskiy, e ka shprehur “solidaritetin” e tij me Izraelin gjatë një telefonate me kryeministrin Benjamin Netanyahu të dielën. “Kam folur me Netanyahun për ta konfirmuar solidaritetin e Ukrainës me Izraelin, i cili vuan nga një sulm i pacipë në shkallë të gjerë, dhe për t’i shprehur ngushëllimet për viktimat e shumta”, ka thënë Zelensky në mediat sociale.
Zelenskiy tërhoqi paralele midis Izraelit dhe luftës në Ukrainë duke deklaruar se “e drejta e Izraelit për vetëmbrojtje është e padiskutueshme”. Ai tha se qeveria e tij e ka ngritur një seli operative për ta ndihmuar çdo ukrainas në Izrael. Zyrtarët kanë vlerësuar se rreth 15,000 refugjatë ukrainas kanë ikur në Izrael. Ndërsa ka dërguar mijëra ndihma humanitare, Netanyahu ka refuzuar vazhdimisht ta furnizojë me armë Kiev.
Gjatë verës, Ukraina “pothuajse me siguri ka çliruar të paktën 125 km katrorë territor” në një zonë lindore të vendit, sipas një përditësimi të inteligjencës britanike nga Ministria e Mbrojtjes. Sektori Velyka Novosilka në perëndim të qytetit të Vuhledar të rajonit Donetsk është “bërë relativisht i qetë gjatë katër javëve të fundit”, tha Ministria e Mbrojtjes.
Dy gra ukrainase janë në mesin e atyre që u vranë në Izrael të shtunën pasi Hamasi filloi sulmin e tij më vdekjeprurës në vend, ka thënë ambasada e Ukrainës për agjencinë e lajmeve Interfax-Ukraine. Identiteti i grave nuk është konfirmuar ende, por zyrtarët thanë se ato kishin jetuar në Izrael për një kohë të gjatë.
Forca ajrore e Ukrainës pret një numër rekord të sulmeve me dronë rusë në tokën e saj këtë dimër, ka thënë zëdhënësi i saj Yuriy Ihnat të dielën, ndërkohë që Kievi po përgatitet për një dimër të dytë të bombardimeve masive të objekteve të tij energjetike. Ihnat ka thënë se të dhënat për shtatorin treguan se përdorimi nga Rusia i dronëve kamikaze Shahed të projektuar nga Irani do ta thyejë shifrën e vitit të kaluar.
Katër persona duke përfshirë një vajzë nëntë vjeçare janë plagosur në një sulm me raketa në Konstantinivka të dielën në mëngjes, sipas guvernatorit në detyrë të Donetsk.
Forcat e armatosura të Ukrainës raportojnë se rreth 580 trupa ruse janë vrarë gjatë luftimeve gjatë ditës së fundit. Duke postuar përmbledhjen e saj të fundit brenda natës të viktimave, ushtria ukrainase pretendon se Rusia ka pësuar 282,280 humbje që nga fillimi i luftës më 24 shkurt të vitit të kaluar. Shifrat nuk janë verifikuar në mënyrë të pavarur dhe janë ende duke u përditësuar.
Presidenti i Polonisë, Andrzej Duda, thotë se dhuna aktuale midis Hamasit dhe Izraelit shkoon në favor të Rusisë në largimin e vëmendjes së botës dhe punon në favor të tyre. Duda argumentoi në një intervistë me transmetuesin privat Polsat Neës të dielën se konflikti në Lindjen e Mesme e largon vëmendjen ndërkombëtare nga agresioni i Moskës në Ukrainë dhe mund të rezultojë në presione të reja migracioni në Evropë.
Dmitry Medvedev, ish-udhëheqësi i Rusisë, ka bërë thirrje për një luftë civile në SHBA, pasi ka thënë se një luftë civile do të ishte e vetmja gjë që mund të ndalonte “pasionin maniak të Amerikës për t’i ndezur konflikte kudo në planet”.
Trafiku i trenave midis Koresë së Veriut dhe Rusisë është rritur në mënyrë dramatike pas samitit të fundit midis liderëve Kim Jong-un dhe Vladimir Putin, duke treguar një transferim “të mundshëm” të armëve, sipas një raporti të ri nga analistë me bazë në Uashington. Pamjet satelitore me rezolucion të lartë zbulojnë të paktën 70 makina mallrash në objektin hekurudhor në kufirin e Koresë së Veriut në Tumangang, tha të premten grupi Beyond Parallel, një numër i përshkruar si “i paprecedentë”./The Guardian
Përgatiti: Nuhi Shala
