“Drejtësia në Kosovë”, transmetoi hulumtimin që tregoi se si gjyqtarë dhe prokurorë që kanë rënë ndesh me normat ligjore dhe etike po amnistohen me ligjet e reja të sistemit të drejtësisë.

Emisioni i sotëm tregon për 230 raste disiplinore të gjykatësve dhe prokurorëve gjatë ushtrimit të profesionit, prej tyre ka edhe të tillë që do duheshin shkarkuar nga detyra për shkak të sjelljeve dhe shkeljeve të rënda.

Pse Zyra e Prokurorit Disiplinor e sheh si kërcënim miratimin e dy ligjeve, atë për Këshillin Gjyqësor dhe Prokurorial të Kosovës, me të cilëtn po falen gjykatës e prokurorë të dyshimtë?

Në pjesën e dytë të emisionit, “Drejtësia në Kosovë”  sonte ju sjell reportazhin ekskluziv, ku do mund t`i ndiqni detajet e njërit nga aksionet më të më të mëdha kundër  fajdeve në rrethin e Vushtrrisë të zhvilluar nga policia e Kosovës në bashkëpunim me EULEX-in.

Për herë të parë në Rubrikën “Policia” sonte transmetohen detajet nga përgatitja  e aksionit, zhvillimi i tij, intervenimi policor, e deri tek  dërgimi i të dyshuarve për fajde në qendrat e paraburgimit.

“Drejtësia në Kosovë”, transmetohet çdo të premte në orën 21 : 00 në RTK, ndërsa repriza transmetohet të hënën në mesditë.

Dy persona kanë kërkuar ndihmë mjekësore si pasojë e një aksidenti që ka ndodhur në mes katër veturave në Veternik në Prishtinë.

Kështu ka konfirmuar për KALLXO.com zëdhënësi i Policisë së Kosovës për rajonin e Prishtinës, Agron Borovci.

Borovci ka thënë se më 26.04.2024, në ora 08:15 është pranuar informata për një aksident trafiku rrugor të ndodhur në rrugën magjistrale Prishtinë-Ferizaj, respektivisht në Veternik.

Ai njoftoi se Policia ka dalë në vendin e ngjarjes dhe po ndërmerr masat e nevojshme për lehtësimin e qarkullimit rrugor si dhe ka nisur punën për hetimin e shkaqeve që kanë sjellë deri te aksidenti.