Kreshnik Gashi

Kreshnik Gashi

Punën si gazetar e filloi në vitin 2007 në gazetën Kosova Sot. Në vitin 2012-të Kreshnik Gashi iu bashkua Internews Kosova së pari në pozitën e Gazetarit Hulumtues e më pas në pozitën e Redaktorit dhe Moderatorit të Drejtësia në Kosovë. Ka studiuar në Universitetin e Prishtinës në Fakultetin Juridik dhe momentalisht ndjek studimet Master në Drejtimin Penal në po këtë universitet. Gjatë karrierës së tij është shquar për hulumtimet e skandaleve të korrupsionit në gjyqësor, prokurori dhe polici. Nga të gjeturat e hulumtimeve të publikuara në Drejtësia në Kosovë deri më tani, janë ngritur dhjetëra aktakuza ndaj zyrtarëve shtetërorë, përfshi gjykatës, prokurorë dhe policë. Gjatë karrierës së tij për punën në gazetari Gashi është shpërblyer me katër çmime prestigjioze nga UNDP Agjencioni Kundër Korrupsionit, Asociacioni i Gazetarëve dhe Bashkimi Evropian.