Asamblistja e LVV-së në kryeqytet Berna Saraçi i bashkohet PDK-së
Asamblistja nga radhët e Lëvizjes Vetëvendosje në kryeqytet, Berna Saraçi i është bashkuar grupit të Partisë Demokratike të Kosovës.
Kështu është bërë e ditur nga nënkryetarja e komunës, Donjeta Sahatçiu e cila edhe i ka uruar mirëseardhje në ekip Saraçit.
“Prej sot, ekipi i PDK-së në Prishtinë përfaqësohet edhe me një super grua në Kuvendin Komunal. Berna Saraçi do të vazhdojë të shërbejë si këshilltare komunale për të nxitur punë edhe më të mirë në Kryeqytet”- është shprehur Sahatçiu.
Zhvillime të shumta me dorëheqje e shkarkime në Kuvendin Komunal të Prishtinës nisën më 8 qershor kur opozita në një seancë të jashtëzakonshme shkarkoi aksionarët e ndërmarrjeve publike lokale, duke emëruar aksionar të rinj.
Po atë ditë edhe kryesuesi i Kuvendit nga radhët e LDK-së, Fehmi Kupina dha dorëheqje nga kjo pozitë.
Kuvendi i Kryeqyteti përbëhet prej 50 anëtarëve.
Opozita në Prishtinë shkarkon aksionarët e ndërmarrjeve publike lokale