Nënkryetari i Skënderajt në ‘Jeta në Komunë’
Nënkryetari i komunës së Skënderajt, Fadil Nura, do të dalë nesër në debat për të dhënë llogari për dy vitet e para të këtij mandati qeverisës në komunë.
Emisioni ‘Jeta në Komunë’ ka debatuar me nënkryetarin Fadil Nura pasi kryetari i zgjedhur i komunës, Sami Lushtaku gjendet në vuajtje të dënimit.
Në këtë debat do të flitet për atë se si komuna e Skënderajt furnizohet me derivate nga kompania e asamblistit të PDK-së.
Pse vjehrri i nënkryetarit të komunës mori tender prej 700 mijë euro nga komuna?
Për strategjinë zhvillimore të miratuar nga komuna.
Për atë se si është e mundur që Skënderaj nuk ka varreza?
Dhe për atë se pse ende nuk është ndërtuar objekti për veteranët e luftës së UÇK-së?
Debati me nënkryetarin e Skënderajt Fadil Nura transmetohet në RTK, të dielën në orën 13:00.