Arrestohet një person në Skenderaj për organizim të lojërave të fatit

Një person është arrestuar më 26.03.2024 në Skenderaj për organizim të lojërave të fatit.

Sipas Policisë së Kosovës, personi i arrestuar ka qenë punëtor i një lokali.

Gjatë bastisjes, Policia ndër tjera ka gjetur dy aparate bixhozi dhe kompjuterë për printimin e tiketave të lojërave të fatit.

“Në vendin e ngjarjes kanë dalur edhe inspektorët komunal të cilët kanë mbyllur lokalin, ndërsa me vendim të prokurorit i dyshuari pas intervistimit lirohet në procedurë të rregullt” – thuhet në njoftimin e Policisë së Kosovës.