Postoi foto nudo të ish të dashurës, pastaj tentoi ta vrasë, Prokuroria i ngriti aktakuzë

Prokuroria Themelore në Pejë, Departamenti i Krimeve të Rënda, ka ngritur aktakuzë kundër të pandehurit V.H. për shkak të dyshimit të bazuar mirë se ka kryer vepër “Vrasje e rëndë e mbetur në tentativë”.

Sipas aktakuzës i pandehuri V.H. pasi ishte në lidhje dashurie me viktimën/të miturën M.M. e cila ndahet nga i njëjti dhe më pas kërkon që t’i largoj nga rrjetet sociale fotografit dhe video incizimet nudo të saj, të cilat i pandehuri i kishte postuar, ashtu që ky i fundit e fton viktimën që të takohen dhe kjo vet t’i shlyej dhe me t`u takuar me dt. 21.06.2018 rreth orës 08:30 min. në fsh. Orroberd K. Istogut, i pandehuri fillon t’i bërtas viktimës, e kap për dore dhe nxjerr një thikë nga xhepi, me të cilën e godet në qafë, fytyrë, gjoks dhe barkë dhe më pas arratiset nga vendi i ngjarjes për t`u arrestuar më vonë.

“I pandehuri me veprimet e tij, me dashje duke tentuar ta privoj nga jeta viktimën për motive të ulëta, ka përmbushur elementet e veprës penale të përshkruar sikur më lart, për çka prokurori i propozoj gjykatës që i njëjti të shpallet fajtor dhe të dënohet sipas ligjit”, ka njoftuar Prokuroria Themelore e Pejës.