ILUSTRIM: Arrestimi i një të dyshuari- Policia e Kosovës
Kryeprokurori jep detaje në lidhje me sulmin ndaj katër policëve në Prishtinë
Prokuroria e Prishtinës ka dhënë detaje interesante rreth sulmit ndaj pjesëtarëve të Policisë që ka ndodhur sonte në Prishtinë.
Kryeprokurori i Prokurorisë Themelore të Prishtinës, Imer Beka, tha për KALLXO.com se personat që kanë sulmuar policët janë familjarë të të ndjerit Arianit Gashi.
Ky i fundit ishte vrarë dy vjet më parë të Parku i Qytetit bashkë me shokun e tij Eron Agaj.
Sipas kryeprokurorit Beka, tre persona janë arrestuar, dy nga ta janë ndaluar dhe nesër pritet vendimi për ta ndërsa një person tjetër është në arrati.
Prokuroria rastin e ka cilësuar si sulm ndaj personave zyrtarë në kryerje të detyrës.
KALLXO.com raportoi më herët në lidhje me detajet e policisë për sulmin ndaj policëve.
Sipas Policisë, pesë persona janë shoqëruar në polici, dy janë ndaluar për 48 orë e tre të tjerë janë liruar në procedurë të rregullt.
https://kallxo.com/policia-jep-detaje-rreth-rrahjes-se-kater-pjesetareve-te-saj-ne-prishtine/
https://kallxo.com/rrihen-kater-police-ne-prishtine/
