Rrahje në Sheshin 'Nënë Tereza' - arrestohen pesë persona, tre pësojnë lëndime
15.1.2024 - 14:03
Një rrahje mes disa personave ka ndodh në Sheshin “Nënë Tereza” në Prishtinë.
Sipas Policisë, rasti ka ndodh sot rreth orës 12:30.
Pesë persona mbetën të arrestuar për këtë rast tregoi zëdhënësi i Policisë Agron Borovci.
“Policia ka dalë në vendin e ngjarjes, ka ndërmarrë veprimet e nevojshme dhe ka shoqëruar në stacionin policor pesë persona. Tre persona të lënduar kanë marrë trajtimin e nevojshëm mjekësor”- tha Borovci për Kallxo.com.
Borovci tregoi se Policia po ndërmerr veprimet e nevojshme për zbardhjen e rrethanave të ngjarjes.