Zenel Zeneli - Foto: REL
VIDEO: Të jetosh 11 vjet me plumb gome afër zemrës
Zenel Zeneli nga fshati Bardhosh i Prishtinës mban dy plumba të gomës në trupin e tij.
Por, njëri që i shkakton probleme shëndetësore është aq afër zemrës saqë mjekët e kanë të pamundur largimin e tij.
Zeneli ishte plagosur më 10 shkurt të vitit 2007 derisa po merrte pjesë në protestat e organizuara nga Lëvizja Vetëvendosje.
“Një plumb e kam në mbështjellës të zemrës dhe një plumb e kam në këmbën e djathtë“, tregon Zenel Zeneli.
Sipas tij, mjekët janë frikësuar se po e lëshon njëfarë yndyre sepse është plumb i gomës me metal.
“Është rrezik për operacion. Në qoftë se keqësohet gjendja duhet të merret me urgjencë, t’i nënshtrohem operimit.
Zeneli tregon momentet e plagosjes, kur thotë se pati shumë gjakderdhje.
Për shkak të plagëve thotë se për 4-5 javë ishte në gjendje kome.
Atij i ishte dashur kohë e gjatë për shërim një pjesë të së cilit e kishte mbuluar misioni i UNMIK-u. (REL)