Pasaporta e Kosovës, Foto: Flaka Fazlija - Kallxo.com
Qytetarët e Kosovës do të udhëtojnë pa viza edhe në Emiratet e Bashkuara Arabe
Presidentja e Kosovës, Vjosa Osmani ka bërë të ditur se Presidenti i Emiratave të Bashkuara Arabe, Mohamed Bin Zayed ka pranuar propozimin e saj që të largoj vizat për qytetarët e Kosovës.
Ajo përmes rrjetit X bëri të ditur se marrëveshja që është arritur muajin e kaluar, tashmë është nënshkruar.
“E falënderoj Presidentin e Emirateve të Bashkuara Arabe, Mohamed Bin Zayed që pranoi propozimin tim për heqje të vizave për qytetarët e Kosovës. Marrëveshja e arritur gjatë takimit tonë muajin e kaluar tashmë është nënshkruar, duke hapur rrugën për më shumë mundësi bashkëpunimi midis vendeve dhe qytetarëve tanë”- ka shkruar Osmani.
I thank UAE President, H.H.@MohamedBinZayed for accepting my proposal to abolish visa requirements for 🇽🇰 citizens.
The agreement reached during our mtng last month has now been signed, paving the way for more cooperation opportunities between our countries & citizens. 🇽🇰 🇦🇪 pic.twitter.com/8cV5caHx0a
— Vjosa Osmani (@VjosaOsmaniPRKS) January 11, 2024
Nga 1 janari 2024, qytetarët e Kosovës mund të udhëtojnë pa viza në 27 shtetet e zonës Schengen.
Udhëtimet pa viza shërbejnë për vizita turistike, çështje familjare ose të ngjashme. Megjithatë, liberalizimi i vizave nuk nënkupton leje pune apo përfitime të tjera.
Para pak ditësh, Spanja njoftoi se ka pranuar t’i njohë pasaportat e Republikës së Kosovës.