Persona të panjohur dyshohen se gjuajtën me armë zjarri në drejtim të një burri në Drenas
16.8.2023 - 11:49
Një vrasje në tentativë dyshohet të ketë ndodhur në Drenas.
Sipas Policisë, një burrë ka raportuar se derisa ka qenë duke lëvizur me veturën e tij, të dyshuar të panjohur kanë shtënë me armë zjarri në drejtim të tij.
Si pasojë, ai ka pësuar lëndime trupore dhe është dërguar për tretman mjekësor.
Sipas Policisë, në vendin e ngjarjes kanë dalë njësitet përkatëse policore ku kanë gjetur dhe konfiskuar dy gëzhoja.
“Lidhur me rastin është njoftuar prokurori kompetent. Rasti nën hetime”- thuhet në njoftimin e Policisë.
Ky rast njoftohet të ketë ndodhur të martën e 15 gushtit rreth orës 23:10.