Albin Kurti
Kryeministri Kurti takohet me ambasadorët e QUINT
Kryeministri i Kosovës, Albin Kurti ka mbajtur një takim me ambasadorët e QUINT-it.
Këtë është konfirmuar për KALXLO.com zëdhënësi i Qeverisë së Kosovës, Përparim Kryeziu.
“Ka qenë takim me ambasadorët e akredituar në Kosovë” – ka thënë ai.
E kjo u konfirmuar edhe nga Kryetari i Kuvendit, Glauk Konjufca, i cili tha se janë vonuar për gjysmë ore në raportimin e kryeministrit në seancën e sotme plenare për shkak të kësaj vizite.
“Në këto momente kryeministri u vizitua nga ambasadorët e QUINT dhe shteteve të tjera të Bashkimit Evropian” – tha ai.
Njoftimi i Kurtit për të raportuar në Kuvend vjen pas kërkesave të partive opozitare PDK, LDK dhe AKK, të cilët kërkuan që kryeministri të raportojë sot për situatën e krijuar në vend.
Policia e Kosovës ka konfirmuar të mërkurën se tre zyrtarë policorë kufitarë patrullues janë siç thonë ata kidnapuar nga forcat serbe.
Kryeministri i Kosovës, Albin Kurti sot tha se organet e sigurisë kanë rritur nivelin e gatishmërisë, pas rrëmbimit të tre zyrtarëve policor dje në kufirin Kosovë-Serbi, në Leposaviq.
Kurti, pas mbledhjes së Këshillit Kombëtar të Sigurisë tha se janë rritur kontrollet gjithashtu në pikë-kalimet kufitare me Serbinë.
Ai ka thënë se rasti i kidnapimit të tre policëve të Policisë së Kosovës dhe arrestimit të Millun Millenkoviq i njohur si Llune, nuk mund të krahasohen.
Millun Millenkoviq i njohur si Llune u arrestua të martën nga zyrtarët e Njësisë Speciale Intervenuese të Policisë së Kosovës në sheshin ‘Car Llazar’ në Mitrovicën e Veriut.