Foto: Ambasadori Jeffrey Hovenier/X
FSK, diplomon grupi i parë ukrainas në trajnimin për largim të minave
Në Kazermën e Forcës së Sigurisë së Kosovës “Lidhja e Prizrenit” në Prizren u mbajt ceremonia e diplomimit të deminerëve të parë me kontigjentin ukrainas, një iniciativë e përbashkët trajnimi e SHBA-së dhe FSK-së.
Ambasadori i SHBA-së në Kosovë, Jeffrey Hovenier u shpreh krenar me këtë përpjekje të përbashkët me Kosovën për sigurinë e popullit ukrainas.
“Sot grupi i parë i Policisë Kombëtare të Ukrainës dhe Shërbimeve Shtetërore të Emergjencave u diplomua nga një iniciativë e përbashkët trajnimi e Komandës Europiane të SHBA-së dhe Forcave të Sigurisë së Kosovës për largimin e minave dhe mjeteve të pashpërthyera. Krenar që e dëshmojmë këtë përpjekje të SHBA-së dhe Kosovës për ta mbajtur popullin ukrainas të sigurt dhe të qëndrojmë me partnerët kosovarë në solidaritet me Ukrainën”- shkroi Hovenier në rrjetin X.
Today the first group of Ukrainian National Police and State Emergency Services graduated from a joint U.S. European Command and Kosovo Security Forces training initiative on safe removal of mines and unexploded ordnance devices. Proud to witness this 🇺🇸 🇽🇰 effort to keep… pic.twitter.com/IY6BlXhvfF
— Ambassador Jeff Hovenier (@USAmbKosovo) April 11, 2024
Në këtë ceremoi morën pjesë ministri i Mbrojtjes, Ejup Maqedonci, komandanti i FSK-së, gjenerallejtënant Bashkim Jashari, përfaqësues të EUCOM-it, si dhe zyrtarë dhe oficerë të lartë vendorë dhe ndërkombëtarë.