Dyshimi për rrëmbimin në Prishtinë, policia po heton rastin

Një qytetar thirri Policinë të dielën pasi që pretendoi se kishte parë disa persona që kishin futur në veturë një person në formë të dhunshme.

Policia e Kosovës ka njoftuar se është duke e hetuar një pretendim të tillë.

“Ankuesi mashkull kosovar ka raportuar se kishte vërejtur  disa persona të dyshuar duke futur dhunshëm një person në veturën e tyre dhe të njëjtit ishin larguar në drejtim të panjohur”- thuhet në njoftimin e policisë.

Pas raportimit, njësitë policore kanë kryer patrullime në afërsi të lokacionit, por siç thuhet në njoftim, policia nuk kanë hasur në veturën e dyshuar.

Me vendim të prokurorit rasti është cilësuar si rrëmbim dhe po vazhdon të hetohet.