“Arpagjikët“ në Shatërvan po mbledhin veshmbathje, ushqim dhe barna për t'i dërguar për në Shqipëri
Nga ora 14:00 në Shatërvan janë vendosur tifozët e Prizrenit “Arpagjikët“ të cilët kanë filluar me grumbullimin e veshmbathjeve, ushqime, dhe barna dhe çfarëdo ndihme që mund të dërgohet për në Shqipëri.
“Solidarizohemi me vëllezërit tanë Shqiptar “ shkruan në postimin e “ Arpagjikëve “ ndërsa ata që nuk kanë mundësi të ofrojnë ndihmat e tyre në Shatërvan, mund t’iu shkruajnë në profilin e “ ARpagjikëve “ në Facebook, e të njëjti do të shkojnë të marrin këto ndihma.
Pak orë më parë Komuna e Prizrenit ka marrë vendim që drejt shtetit shqiptar të nisë një autoambulancë e pajisur me mjete të ndihmës së shpejtë dhe ekip mjekësor të nisen drejt zonës së prekur nga tërmeti.
Sipas komunës, në gatishmëri do të jetë edhe automjeti i zjarrfikësve.
Njëkohësisht nga ana e komunës u nda edhe një buxhet i konsiderueshëm për t’i ofruar ndihmë personave të prekur me anë të pakove ushqimore dhe veshmbathjeve.
Në bazë të raportimeve të mediave shqiptare deri më tani nga tërmeti i cili ka ndodhur orën 1:18 minuta pas mesnate, për t’u pasur edhe me 11 tërmete të tjera, ku ai i orës 03:54 ishte më i fortë me magnitudë 6.4 ballë.
Sipas mediave në Shqipëri deri më tani kanë humbur jetën 15 persona.
28 persona janë shpëtuar nga rrënojat e pallateve në Thumanë dhe Durrës, por raportohet gjithashtu për një numër të konsiderueshëm njerëzish që kanë mbetur të bllokuar në rrënojat e godinave të shembura në këto zona.
Kallxo.com që nga orët e hershme të mëngjesit ka raportuar për ngjarjet në Shqipëri.