Bilall Sherifi - Foto: Atdhe Mulla
Sherifi: Mosliberalizimi i vizave është tradhti ndaj Kosovës
Shefi i grupit parlamentar të Nismës Socialdemokrate, Bilall Sherifi, tha sonte në seancën e jashtëzakonshme të Kuvendit rreth dështimit me liberalizimin e vizave se Kosova i ka kryer të gjitha kriteret e kërkuara nga Brukseli.
“Kosova ka kryer të gjitha kriteret. Mosliberalizimi i vizave është tradhti ndaj Kosovës”, theksoi Bilall Sherifi.
Në Kuvendin e Kosovës po debatohet rreth dështimit të liberalizimit të vizave.
Partitë opozitare i bënë thirrje pozitës të marrë përgjegjësitë për dështimin me liberalizimin dhe Interpolin.
Partitë opozitare, LDK dhe Lëvizja Vetëvendosje kanë thirrur seancë të jashtëzakonshme pas dështimit për liberalizimin e vizave.
Komisioneri i BE-së për Zgjerim, Johannes Hahn, tha dje në Prishtinë se qytetarëve të Kosovës mund t’u hiqen vizat në vitin 2020.