Ramiz Kelmendi. Foto: Facebook
Ramiz Kelmendi: Prokuroria të Merret me Vjedhjet Tatimore
“Emisionet televizive të Jeta Në Kosovë janë emisione investigative, dmth që investigojnë. Ajo (shmangia e tatimeve) tash është ma shumë obligim ligjor i prokurorisë dhe e organeve ligjore juridike që janë organe të pavarura në Republikën e Kosovës”, u përgjigj zëvendës kryeministri Kelmendi në një pyetje të KALLXO.com gjatë një konference me bizneset të mbajtur në Prishtinë.
Emisioni “Jeta në Kosovë” ka transmetuar mbrëmë serinë e dytë të hulumtimit rtreth vjedhjeve të organizuara tatimore. Hulumtimi ka zbuluar se disa kompani fantome kanë fshehur tatime që mund ta kapin vlerën deri në 25 milionë euro.
Ramiz Kelmendi tha se qeveria e Kosovës është e gatshme të përkrah gjyqësorin në realizimin e synimeve të tyre në kuadër të kompetencave që ka.
“Ne si Qeveri vetëm mund t’i mbështesim në realizimin e synimeve të tyre nëse diçka nevojitet me ba ndryshim të ligjeve të caktuara”, ka thënë ai.
Por, ai nuk ka folur për ekonominë joformale dhe as nëse ajo po e dëmton direkt konkurrencën e lirë të tregut.
Redaktoi: Visar Prebreza
