Nga një protestë e veteranëve | Foto: Arkiv
Për Veteranët Duhen edhe 15 Milionë Euro
22.9.2016 - 12:36
Për t’i paguar pagat e veteranëve të luftës duhen edhe 15 milionë e 700 mijë euro.
Këtë informatë e dha në Kuvend ministri i Punës dhe Çështjeve Sociale Arban Abrashi, i pyetur nga deputetja e AAK-së Time Kadriaj për të dhënë sqarime rreth pagave për atat që luftuan në kuadër të UÇK-së gjatë luftës.
Abrashi tregoi se aktualisht pagë janë duke marrë 28 mijë e 31 veteranë, ndërsa sipas tij numri i aplikuesve për të marrë pagën e veteranit po shtohet.
Abrashi tregoi se për pagat e veteranëve ka një buxhet prej 25 milionë eurove, ndërsa për pagat e tyre duhen edhe 15 milionë e 700 mijë euro.