Ilustrim
Maskat kryejnë grabitje të armatosur edhe në Prishtinë
Persona të maskuar dhe të armatosur kanë kryer sonte një grabitje edhe në Prishtinë.
Rastin e ka konfirmuar për KALLXO.com Policia e Kosovës.
Sipas Policisë, ngjarja ka ndodhur në rrugën “Isa Kastrati” të kryeqytetit.
Zëdhënësja e Policisë për rajonin e Prishtinës, Florie Ahmeti-Haziraj, tha për KALLXO.com se grabitja e armatosur ka ndodhur rreth orës 21:30.
Shënjestër e grabitjes ishte një market.
“Rreth orës 21:30 kemi pranuar informatën për një grabitje të armatosur e cila ka ndodhur në një market ne rrugën ‘Isa Kastrati’ në Prishtinë“, ka thënë zëdhënësja e Policisë.
Menjëherë në vendin e ngjarjes kanë dalë të gjitha njësitet e nevojshme policore, të cilët po merren me rastin.
Pak orë më herët, persona të armatosur kryen grabitje edhe në një institucion mikrofinanciare në Fushë-Kosovë.
https://kallxo.com/grabitje-e-armatosur-ne-fushe-kosove/
Kohëve të fundit janë shpeshtuar grabitjet e armatosura në institucione bankare.
Tre ditë më parë, gjatë një tentimi për grabitje të armatosur të një filiali të bankës NLB në Istog nga plumbat e grabitësit u vra polici Izet Demaj, ndërsa nga kolegët e Demajt u vra hajduti Kamer Metaj.
https://kallxo.com/vdes-polici-i-plagosur-ne-istog/
https://kallxo.com/video-18-momenti-i-vrasjes-ne-istog/
Më 3 dhjetor, KALLXO.com ofroi pamje ekskluzive nga një grabitje e armatosur në filialin e një banke në Prishtinë.
Grabitja ka ndodhur në pikë të ditës.
https://kallxo.com/video-grabitja-e-bankes-ne-veternik/
www.kallxo.com