Aktakuzë ndaj Drejtorit të Arsimit në Viti
Prokuroria Themelore në Gjilan më datë 16 nëntor 2015 ka ngritur aktakuzë ndaj Qahil Sahitit i cili është Drejtori i Arsimit në komunën e Vitisë.
Sipas aktakuzës së prokurorisë me 1 gusht të vitit 2015 i pandehuri me dashje ka cenuar të drejtën e punësimit të të dëmtuarës Luljeta Pira duke ia mohuar të drejtën për punësim.
I kontaktuar nga KALLXO.com Sahiti tha se kjo aktakuzë nuk qëndron pasi nuk ka pasur shkelje në të drejtat e punësimit.
Për drejtorin Sahiti prokuroria është ngutur me këtë konkludim.
Prokuroria akuzon Sahitin se ka pranuar një mësimdhënës pa hapur konkurs.
“Konkursi ka qenë i shpallur vetëm për mësimdhënës të muzikës, ndërsa për lëndën përkatëse gjeografi nuk ka pasur fare konkurs dhe duke mos i zbatuar rregullat e konkursit pranon kandidatin tjetër Faik Ramadanin, edhe pse për atë pozitë ka qenë i obliguar të hapë konkurs pune,” thuhet në aktakuzë.
Sipas prokurorisë, të dëmtuarës edhe pse i ka plotësuar të gjitha kushtet e parapara me konkurs, i është mohuar e drejta për punësim të lirë nën kushte të njëjta, me çka i pandehuri Qahit Sahiti ka kryer veprën penale cenim të të drejtave të punësimit dhe të papunësimit.
Dje KALLXO.com shkroi për aktakuzat e deritashme ndaj zyrtarëve të pushteteve lokale nëpër Kosovë, ndërsa të enjten u diskutua për këtë temë në Emisionin “Jeta në Kosovë”.
http://kallxo.com/komunat-ne-gjyq/
[interaction id=”56daaed836e5105a3a594f6c”]