Foto: Freepik
Policia e Kosovës sekuestron 50 kamera në fshatrat e banuara me serbë në rajonin e Gjilanit
Policia e Kosovës ka ndërmarrë një aksion në rajonin e Gjilanit, i cili ka rezultuar me sekuestrimin e 50 kamerave.
Ky aksion është ndërmarrë në fshatrat e banuara me shumicë serbe në rajonin e Gjilanit.
Sipas prokurorisë, këto kamera kanë bërë fotografime dhe incizime të paautorizuara.
Veprimi i Policisë është ndërmarrë me urdhër të prokurorit të shtetit.
“Referuar pyetjeve tuaja, ju njoftojmë se me kërkesë të Prokurorisë Themelore në Gjilan dhe urdhër të Gjykatës kompetente në Gjilan, Policia e Kosovës ka sekuestruar rreth 50 kamera në fshatrat serbe në regjionin e Gjilanit, pasi dyshohet se të njëjtat janë përdorur për fotografime dhe incizime të paautorizuara” – thuhet në përgjigjën e zëdhënëses së Prokurorisë së Gjilanit, Liridona Xheladini.
Ky rast është cilësuar nga prokuroria si “Fotografim dhe incizim i paautorizuar”.