Foto: Urim Krasniqi/KALLXO.com
VIDEO - Zyba pas raportimit të Drejtorit të AKI-së: Duhet kujdes i shtuar, aktualisht nuk ka siguri në Serbi
Deputeti i Kuvendit të Kosovës nga radhët e Lëvizjes Vetëvendosje, Salih Zyba ka kërkuar kujdes nga mekanizmat shtetërorë dhe nga qytetarët që lëvizin përmes Serbisë.
Këto komente, Zyba i dha pas raportimit të drejtorit të Agjencisë së Kosovës për Inteligjencë, Petrit Ajeti në Komisionit Parlamentar për Mbikëqyrjen e AKI-së.
Zyba tutje shtoi se shqetësimi kryesor i sigurisë në Kosovë është Serbia dhe se duhet të bëhet kujdes nga provokimet.
Problemet që janë shkaktuar me komunikacionin e qytetarëve kosovarë në pikëkalimet kufitare të Serbisë, Zyba thotë se ishin pjesë e diskutimit me shefin e AKI-së.
Ai shton se ky shqetësim nuk është i vetmi që u diskutua në raportim.
Zyba tregoi se në raportim drejtori i AKI-u ka thënë të kenë kujdes në deklarime pasi që aktualisht nuk ka siguri në Serbi.
Vlerësimi gjendjes së sigurisë ishte tema kryesore e raportimit të drejtorit të AKI-së sipas Zybës.