Plagosja në Prishtinë, xhami i veturës i thyer e policë me armë të gjata - Çka dihet deri më tani për rastin?

Forenzika, Policia e prokurori kanë kryer ekzaminimet e nevojshme në vendin ku sonte, më 15.02.2024, me armë zjarri u plagosën dy persona.

Në vendin e ngjarjes deri vonë ka qëndruar vetura në të cilën dyshohet se ka ndodhur rasti.

KALLXO.com sjell foton e veturës. Xhami i veturës nga ulësja në anën e pasagjerit është i thyer.

Policia konfirmoi për KALLXO.com se dy persona kanë mbetur të plagosur nga të shtënat me armë zjarri.

Lidhur me rastin, tre persona janë arrestuar.

Rasti ka ndodhur në lagjen Bregu i Diellit në kryeqytet.

Sipas Policisë, ende nuk dihen shkaqet e rastit.

Në vendin e ngjarjes përveç njësive të Policisë kanë shkuar Forenzika, prokurori kujdestar dhe autoambulancat.

Për rastin Policia njoftoi se është informuar rreth orës 21:00.

KALLXO.com ka tentuar të marrë informata nga QKUK për gjendjen e të plagosurve por nuk ka marrë përgjigje.

Plagosja në Prishtinë, Policia, prokurori, autoambulanca e Forenzika në vendin e ngjarjes