Foto-ilustrim
Plagoset me armë zjarri një person në Qirez të Skenderajt
20.10.2023 - 22:43
Një person është plagosur me armë zjarri.
Rasti ka ndodhur në Qirez të Skenderajt rreth orës 20:00.
Policia ka konfirmuar informacionin e KALLXO.com për rastin.
Sipas Policisë, dyshohet se viktima e ka plagosur veten me armë gjahu.
Avni Zahiti, zëdhënës i Policisë së Kosovës për Rajonin e Mitrovicës, ka thënë për KALLXO.com se i plagosuri ka kërkuar tretman në qendrën mjekësore në Skenderaj.
“Bazuar në të dhënat fillestare, bëhet e ditur se një person i moshës madhore si pasojë e vetëplagosjes aksidentale me armë gjuetie ka kërkuar tretman mjekësor në QKMF Skenderaj”- ka thënë Zahiti.
Zahiti ka thënë se njësitet përkatëse janë duke e trajtuar rastin.