Identifikohet i dyshuari për vjedhje të rëndë në Novobërdë, dërgohet për trajtim mjekësor

Policia e Kosovës ka identifikuar një të dyshuar në lidhje me një rast të vjedhjes së rëndë të raportuar më 09.02.2026 në Novobërdë.

Sipas njoftimit zyrtar, për shkak se i dyshuari nuk ishte në gjendje të mirë psikike, me vendim të prokurorit ai është dërguar për trajtim në Spitali i Gjilanit.

Gjatë kontrollit të shtëpisë së të dyshuarit, autoritetet kanë gjetur dhe sekuestruar një armë automatike AK-47, një armë të gjatë (snajper), dy pushkë të gjata, 321 fishekë të kalibrave të ndryshëm, dy karikatorë si dhe dy leje për armë zjarri.

Rasti është duke u hetuar nga organet kompetente.