Digjet një depo e barnave në rrugën Prishtinë - Ferizaj
05.4.2024 - 11:17
Një depo e produkteve dhe pajisjeve mjekësore ka marrë flakë në rrugën Prishtinë – Ferizaj.
Policia është në vendin e ngjarjes së bashku me zjarrfikësit të cilët po tentojnë ta shuajnë zjarrin i cili ka filluar rreth orës 10.
Zëdhënësja e Policisë për rajonin e Prishtinës, Flora Ahmeti tha se sipas të dhënave të deritanishme janë shkaktuar vetëm dëme materiale.
“Sot rreth orës 10:00, kemi pranuar informatën për një incident zjarri në një objekt në rrugën Prishtinë -Ferizaj. Në vendngjarje janë zjarrfikësit dhe policia të cilët po merren me rastin” – tha Ahmeti për KALLXO.com.
Në ndihmë të zjarrfikësve kanë ardhur edhe ekipe të tjera shtesë.