Digjet një veturë në magjistralen Pejë - Prishtinë, Policia jep detaje
14.4.2024 - 19:50
Një veturë është përfshirë nga flaka më 14.04.2024 në fshatin Gllarevë, magjistralja Pejë – Prishtinë.
Lajmin për KALLXO.com e ka konfirmuar zëdhënësi i Policisë për rajonin e Pejës, Driton Rugova.
Ai ka thënë se nuk është raportuar për persona të lënduar.
“Sot Policia është njoftuar për një veturë e cila është djegur ne fshatin Gllarevë. Fatmirësisht nuk kemi persona të lënduar, vetëm dëme materiale”- ka thënë ai.
Në adresë të KALLXO.com një qytetar ka dërguar pamje nga vendi i ngjarjes.
