Ambasadori turk në Kosovë uron liberalizimin e vizave

Gjatë paradites, kryeministri i Kosovës, Albin Kurti, priti në takim ambasadorin e Turqisë në Kosovë, Sabri Tunç Angılı.

Kështu ka njoftuar Zyra e Kryeministrit.

“Me urimet e dyanshme për Vitin e Ri 2024, takimin e parë për këtë vit, kryeministri Kurti dhe ambasadori Angılı e filluan duke reflektuar mbi bashkëpunimin përgjatë vitit 2023, sidomos në fushën e mbrojtjes, sigurisë dhe ekonomisë, dhe e vazhduan me planet dhe synimet e partneritetit ndërmjet dy shteteve për vitin në të cilin sapo kemi hyrë”- thuhet në njoftim.

Ambasadori Angılı thuhet se e uroi kryeministrin dhe popullin e Kosovës për liberalizimin e vizave që hyri në fuqi më 1 janar.

“Kryeministri Kurti e falënderoi për urimin dhe shprehu mirënjohjen e tij për mbështetjen e vazhdueshme të Turqisë ndaj shtetit dhe popullit të Kosovës, dhe gatishmërinë e vullnetin për thellim dhe zgjerim të mëtejmë të marrëdhënieve dypalëshe Kosovë-Turqi”- theksohet tutje.

Qytetarët e Kosovës tashmë do të mund të udhëtojnë lirshëm në shtetet e zonës Schengen, pas heqjes së regjimit të vizave.