Haradinaj grevistëve: S`mund t`ju barazojmë pagat me gjykatësit e prokurorët

Kryeministri Haradinaj përmes një konferencë për media ka kërkuar nga administrata e Gjykatave dhe Prokurorive, të cilët së fundi kanë hyrë në grevë, që t’i kthehen punës pasi sipas tij do t’i “ndihmonte” rritjes së pagave.

“Ma shumë i ndihmojnë rritjes e pagës nëse shkojnë e i mbajnë ato seanca e i kryejnë punët, i kisha lut që të shkojnë e t`i kryjenë punët e veta, mos t’i pengojnë gjyqësorit, por t`i ndihmojnë, e ajo sjellë rritjen e pagave”, tha tutje Haradinaj.

Haradinaj tha që shumë shpejtë do të miratohet ligji për pagat, që sipas tij e sqaron situatën.

“Unë e kuptoj administratën e Gjyqësorit që kërkojnë paga më të larta dhe të gjithë kanë të drejtë që kërkojnë. Gjykatësi është gjykatës, administrata është administratë, duhet me kuptu që ka diferencim me administratë, ndryshe e kishim caktu veç një kuotë. Tani është në diskutim Ligji, shpejt do të vendoset. Unë s’do ta lë Kosovën pa ligj, një pjesë e kemi na e një pjesë Kuvendi, e pastaj vendos ligji”, ka thënë Haradinaj.