Një hulumtim mbi dyvjeçar i “Drejtësia në Kosovë” ka zbuluar rrugëtimin se si një lëndë e drogës ku i dyshuar ishte djali i një prokurori special është mbyllur në Prokurorinë e Prishtinës.

Hulumtimi ofron detaje për djalin e prokurorit i cili ishte arrestuar në posedim droge dhe edhe përkundër faktit se kishte pranuar fajësinë lënda e tij ishte mbyllur nga prokurorja Arbëresha Shala- Rraca.

Hulumtimi zbardh lidhjet e prokurorit special me prokurorinë e Prishtinës ndërsa ofron të dhëna kur Prokuroria e Shtetit për raste të ngjashme kishte ngritur aktakuza dhe të dyshimtit ishin dënuar me burgim, ose me kusht.

Rrugëtimin e rastit të iniciuar nga Drejtoria e Drogave të Policisë, i cili ka përfunduar pa u dërguar në gjykatë mund ta ndiqni këtë të premte nga ora 22 e 20.

Në hulumtim argumentet e tyre i paraqesin:

Arbëresha Shala- Raqa, prokurore e rastit

Zëvendëskryeprokurori i Prishtinës

Kryeprokurori i Pejës

Avokatë dhe ekspertë të fushës

Ish-kryetari i Gjykatës Supreme Fejzullah Hasani.

Hulumtimin mund ta ndiqni të premten nga ora 22 në RTK dhe live në KALLXO.com.

Kryeministri i Kosovës, Albin Kurti, ka uruar komunitetin goran në Kosovë me rastin e Ditës së Goranëve.

Më 06.05.2024, në shënimin e Ditës së Goranëve, Kurti ka thënë se Republika e Kosovës është e të gjitha komuniteteve.

“Kontributi i juaj në jetën shoqërore të vendit tonë, mbetet i rëndësishëm, i veçantë dhe i çmueshëm. Vitin e kaluar, kam patur mundësinë të takohem përsëri me përfaqësues tuaj, si në Prishtinë, por po ashtu dhe gjatë një vizite në Dragash”- ka thënë Kurti.

Sipas kryeministrit Kurti, nuk kanë munguar investimet e qeverisë si në përmirësimin e infrastrukturës, por edhe mbështetja ekonomike.

“Që nga fillimi i mandatit tonë, kemi dëshmuar se askush, nga asnjë komunitet, nuk do të lihet pas, por do të jetë pjesë e zhvillimit e progresit tonë, ku politikat progresiste të shtetit mbërrijnë tek të gjithë. Andaj dhe nuk kanë munguar investimet e qeverisë sonë si në përmirësimin e infrastrukturës, por edhe mbështetjes ekonomike, ndërtimit të shtëpive, përfitimit nga kuotat e punësimit apo dhe verifikimit të diplomave”- ka njoftuar Zyra e Kryeministrit.

Ai tutje ka thënë se do të vijojnë punën në mbrojtjen, promovimin e mbështetjen e komunitetit goran.