Pika kufitare në Jarinjë
Dy persona me pasaporta ruse kapen duke hyrë ilegalisht në Kosovë
06.5.2024 - 09:44
Në Stacionin Policor Kufitar të Jarinjës më 05.05.2024 u kapen dy persona me pasaporte ruse, që kishin kaluar ilegalisht kufirin.
Gruaja dhe burri të hasur në dalje të “SPK Jarinje” nuk kishin viza të Republikës së Kosovës.
Policia e Kosovës ka njoftuar se ka verifikuar personat dhe ka rezultuar se nuk kishin hyrje/dalje në Republikën e Kosovës.
Sipas tyre, ata kanë ardhur nga Nishi i Serbisë dhe në SPK Jarinje kanë përfunduar përmes rrugëve ilegale.
Të dyshuarit u dërguan në mbajtje me vendim të prokurorit.
