Besar Musolli vazhdon kontratën me Gjilanin
25.5.2021 - 22:18
Gjilani ka njoftuar se kanë vazhduar bashkëpunimin me mesfushorin Besar Musolli.
Musolli do të jetë pjesë e skuadrës së Gjilanit deri në vitin 2024.
32 vjeçari iu ka bashkuar Gjilanit në sezonin e kaluar nga skuadra e Kukësit.
Ai ka qenë njëri prej lojtarëve kryesor të Gjilanit në këtë sezon dhe pritet që ta ketë timonin e mesfushës nën drejtimin e Ismet Munishit edhe për tre vitet e ardhshme.
Gjilani ia ka vazhduar kontratat edhe sulmuesit Gerhard Prognit deri në vitin 2022 dhe portierit Enea Koliçit deri në vitin 2023.