Batatina: Llapi i dha shkollë Gjilanit
17.4.2021 - 19:11
Llapi e ka mposhtur Gjilanin në shtëpi me rezultat 0-2, ndeshje e vlefshme për xhiron e 29-të në Superligën e Kosovës.
Skuadrës së Llapit i mjaftoi nga një gol në secilën pjesë për t’i rrëmbyer tri pikë.
Trajneri i Llapit, Tahir Batatina ka deklaruar se i kanë dhënë shkollë skuadrës së Gjilanit në ndeshjen e sotme.
“Llapi sot tregoi që është dashtë të jetë kampion me ndeshje që i kemi fituar. I kemi pasur disa humbje pas një ngarkese të madhe dhe ky është Llapi i vërtet i kemi dhënë shkollë skuadrës së Gjilanit dhe kemi bërë një paraqitje të madhe”, deklaroi Batatina.
Pas kësaj fitoreje Llapi ngjitet në vendin e pestë me 36 pikë.
Kurse, Gjilani mbetet në vendin e katërt me 43 pikë.