Ja për çfarë arsye Bashkimi Evropian ndëshkoi gjigantin e kërkimeve në internet Google me gjobë rekorde prej 4.34 miliardë eurosh, për shkak të Androidit.

Komisioni Evropian tha se firma ka përdorur sistemin operativ celular “për të çimentuar pozitën e saj dominuese në kërkimet e përgjithshme në internet”.

Kompanisë aksionare në Google, Alphabet, i janë dhënë 90 ditë kohë për t’i ndryshuar praktikat biznesore – në të kundërtën, do të përballet me ndëshkime të tjera. Gjoba është më e madhja që ka vënë Komisioni Evropian kundër një firme të vetme.

Komisionarja evropiane për Konkurrencë, Margrethe Vestager, tha se Google “ua ka mohuar konsumatorëve evropianë përfitimet nga konkurrenca efektive në sferën e rëndësishme mobile”. Kompania, me qendër në Kaliforni, mund ta apelojë vendimin. / 21 Media

Policia e Kosovës ka njoftuar se janë arrestuar pesë persona nën dyshimin se kanë sulmuar fizikisht me mjete të forta dy viktima.

Ngjarja është thënë se ka ndodhur në Prishtinë më 24.04.2024 në 23:00h.

Sipas PK-së, dyshohet të ketë pasur edhe të shtëna me armë zjarri pasi që në vendin ngjarjes është gjetur një gëzhojë.

Në raportin 24-orësh policor është thënë se dy viktimat dhe njëri prej të dyshuarve kanë pranuar tretman mjekësor.

Tutje është njoftuar se të gjithë personat e përfshirë janë intervistuar dhe me vendim të prokurorit, dy prej të dyshuarve janë dërguar në mbajtje, ndërsa rasti vazhdon në procedurë hetimore.