LIVE Video- Protestuesit në shesh (FOTOGALERI)

Turma e protestuesve në protestën e organizuar nga Lëvizja Vetëvendosje është mbledhur në sheshet kryesore të kryeqytetit.

Afër ndërtesës së Kuvendit të Kosovës, ku edhe është vendosur skena për fjalime, janë mbledhur protestuesit.

KALLXO.com po e transmeton LIVE protestën e Vetëvendosjes.

Protesta e 29 shtatorit është thirrur nën organizimin e Lëvizjes Vetëvendosje.

Qëllimi i protestës sipas organizatorëve është shfaqja e kundërshtimit ndaj idesë së presidentit të Kosovës, Hashim Thaçi për korrigjimin e kufijve me Serbinë.

Për ditë me radhë, LVV ka publikuar video promocionale dhe ka bërë tubime ku ftoi qytetarët dhe aktivistët në protestë kundër idesë së presidentit Hashim Thaçi për korrigjim të kufijve që sipas tyre nënkupton edhe shkëmbim territoresh.

Autobusë falas për aktivistë dhe qytetarët që dëshirojnë t’i bashkohen protestës janë organizuar nga LVV me nisje nga secila komunë e Kosovës.

“Të shtunën, me 29 shtator, prej orës 14:00, së bashku do të protestojmë paqësisht e qytetarisht në Prishtinë kundër pazareve me Serbinë, për sovranitetin e vendit”, thuhej në njoftimin e Lëvizjes Vetëvendosje.