Minatorët e ‘Trepçës’ bojkotuan për disa orë sot punën, shkak rrogat

Disa minatorë në “Stan Tërg” sot kanë ndërprerë punën pasi për një pjesë të tyre nuk u ekzekutuan pagat.

Por, pas disa orëve, menaxhmenti arriti marrëveshje me minatorët për rroga.

Lajmin për KALLXO.com e konfirmoi kryetari i Sindikatës së Minatorëve, Ibrahim Januzi.

Sipas tij, puna në minierë ka filluar tashmë.

“Tani është arrit një marrëveshje, ku është realizu një pjesë e pagës prej rreth 300 € dhe është premtuar që deri ditën e mërkurë do të plotësohet pjesa e mbetur” – ka thënë Januzi.

Fillimin e punës të minatorëve e konfirmoi për KALLXO.com edhe ushtruesi I drejtorit të minierës në Stan Tërg, Bujar Jashari.

Për disa javë rresht, minatorët në Stan Tërg kanë protestuar duke kundërshtuar vonesat në ekzekutimin e pagave nga ana e menaxhmentit të “Trepçës”.

Pas më shumë se dy javë pritje, minatorët e “Trepçës” e marrin pagën e korrikut