Vjosa Osmani në kompanin për prodhimin e armëve HS Product në Kroaci
Kompania kroate të cilën e vizitoi presidentja Vjosa Osmani, gjigant i prodhimit të armëve
Kompania kroate “HS PRODUKT”, të cilën e vizitoi sot presidentja e Kosovës, Vjosa Osmani, e madje edhe pozoi me një armë të prodhuar prej saj, sipas të dhënave të publikuara në ueb faqen e kompanisë shet miliona armë në gjithë botën.
“HS PRODUKT” ka rreth 30 vite eksperiencë në fushën e prodhimit të armëve, duke u renditur kështu si një nga prodhuesit kryesor në botë të armëve të vogla të cilësisë së lartë.
Sipas të dhënave, kjo kompani ka shitur mbi 6 milionë pistoleta të prodhuara.
Në katalogun e armëve që kjo kompani ofron nuk janë vetëm pistoletat.
Sipas të dhënave të publikuara në ueb faqe, kjo kompani prodhon 4 lloje të pistoletave gjysmë-automatike: HS-9 G2, kalibër 9×19 mm, me karikator 16+1; SF19 4.5, kalibër 9×19 mm, me karikator 19+1; HS S5 3.3, kalibër 45ACP; H11, kalibër 9×19 mm, me karikator 13+1.
Përveç pistoletave gjysmë-automatike, kjo kompani prodhon edhe armë ushtarake, 5 lloje,
Dhe, produktet e kompanisë që janë më së shumti në treg janë armët ushtarake.
Nga armët ushtarake që i prodhon kjo kompani (njërën prej të cilave e “provoi” presidentja Vjosa Osmani) është edhe VHS-2, pushkë sulmi, e kalibrit 5.56 të NATO-s.
Mirëpo pushka nuk është i vetmi produkt që kjo kompani prodhon.
Sipas të dhënave të publikuara, kjo kompani prodhon edhe VHS-BG, granatahedhës me veprim të dyfishtë me një goditje.
Kjo kompani, e cila ndodhet në Karllovc, prodhon edhe një lloj të pushkës gjysmë-automatike VHS2S.
Kompania në fjalë, sipas të dhënave, ka fituar mbi 40 çmime për armët më të mira, inovacion dhe ndërmarrësi
