Dyshohet se gjashtë persona janë lënduar si pasojë e rënies së liftit në Fushë Kosovë
30.3.2024 - 00:37
Qendra e Mjekësisë Familjare në Fushë Kosovë në një përgjigje për KALLXO.com e ka konfirmuar se gjashtë persona janë pranuar në këtë Qendër, të cilët dyshohet se janë lënduar si pasojë e rënies së liftit në një ndërtesë në Fushë Kosovë.
Ngjarja dyshohet se ka ndodhur në lagjen “Eliza” dhe se lifti ka rënë nga kati i dytë në podrum, e personat dyshohet se ishin në lift gjatë kësaj kohe.
Kur janë pyetur nga KALLXO.com në lidhje me këtë ngjarje, Policia e Kosovës ka thënë se deri më tani nuk kanë ndonjë informatë.