Ambasadori i SHBA-së takon ministrat Çeku e Rashiq
Ambasadori i SHBA-së në Kosovë, Jeffrey Hovenier, është takuar me ministrin e Kulturës, Rinisë dhe Sportit, Hajrullah Çeku dhe me ministrin për Komunitete dhe Kthim, Nenad Rashiq.
Hovenier ka treguar se çka kanë diskutuar për dikasterin që udhëheq Çeku.
“E shijova bisedën sot me ministrin e Kulturës Hajrullah Çeku për një sërë nismash të vazhdueshme të fokusuara në trashëgiminë kulturore, muzikën, sportin dhe artin e Kosovës. Të gjitha këto aktivitete thellojnë lidhjet e forta që kemi ndërtuar së bashku mes amerikanëve dhe kosovarëve nga të gjitha sferat e jetës”- ka shkruar ai në twitter.
Enjoyed the conversation today with Minister of Culture @HCeku on a range of ongoing initiatives focused on 🇽🇰’s cultural heritage, music, sport, and art. All of these activities deepen the strong ties we’ve built together between Americans and Kosovans from all walks of life. pic.twitter.com/WpzG7cCKv9
— Ambassador Jeff Hovenier (@USAmbKosovo) August 14, 2023
Çeku nuk ka qenë i vetmi ministër që ka pritur sot në takim ambasadorin amerikan. Edhe ministri për Komunitete dhe Kthim, Nenad Rashiq është takuar me ambasadorin Hovenier.
“Takimi i mirë me ministrin për Komunitete dhe Kthim, Rashiq. Të vlerësojmë përpjekjet e ministrit dhe ekipit të tij për të mbështetur të gjithë ata që dëshirojnë të ushtrojnë të drejtën e tyre të kthimit në kushte dinjiteti dhe sigurie. Ky mbetet një prioritet i lartë për Shtetet e Bashkuara dhe partnerët tanë” – ka shkruar Hovenier.
Good meeting with Minister of Communities and Returns Rasic. Appreciate the efforts of the Minister and his team to support all who wish to exercise their right of return in conditions of dignity and security. This remains a high priority for the United States and our partners. pic.twitter.com/Y0pUdnoN4f
— Ambassador Jeff Hovenier (@USAmbKosovo) August 14, 2023
