Produkte vendore|Foto : Jeta në Kosovë

‘Jeta në Kosovë’ për Prodhimet e Kosovës

Këtë të enjte në emisionin ‘Jeta në Kosovë’ u diskutua për prodhimet vendore.

Sa përkrahen nga shteti e sa konsumohen nga qytetarët prodhimet vendore?

Çfarë thonë qytetarët, prodhuesit e çfarë përfaqësuesit e qendrave të mëdha tregtare e institucionet? Sa janë cilësore prodhimet vendore, e sa atyre u besojnë qytetarët?

Çfarë ka bërë shteti në përmirësimin e cilësisë së këtyre produkteve e sa u japin hapësirë këtyre produkteve rrjetet e qendrave tregtare?

Për të diskutuar për këto tema Muhamet Hajrullahu ka ftuar:

Besian Mustafa – drejtor, Agjensia për Investime dhe Përkrahjen e Ndërmarrjeve (KIESA)

Valdet Gjinovci – drejtor, Agjencia e Ushqimit dhe Veterinës (AVUK)

Fisnik Reçica Projekti për promovimin e punësimit privat

Agon Gashi – Kompania ‘Meridian’

Fatos Islami – Kompania ‘Elkos’

Alban Ibrahimi –Shoqata e përpunuesve të pemëve dhe perimeve

Jeta në Kosovë çdo të enjte nga ora 20:20 dhe repriza të nesërmen në mesditë.

Ministri i Shëndetësisë, Arben Vitia priti sot në takim Ambasadorin e Republikës së Italisë në Kosovë, Nicola Orlando.

Bashkëpunimi ndërmjet dy shteteve në sektorin e shëndetësisë ishin temë kryesore e takimit.

Ndër të tjera ata diskutuan edhe për mbështetjen e projekteve duke u bazuar në nevojat e sistemit shëndetësor në Kosovë.

Vitia falënderoi përmes Ambasadorit Orlando shtetin e Italisë për projektet e deritanishme të realizuara në shëndetësinë e Kosovës.

Po ashtu për të ardhmen u dakorduan që të vazhdojë koordinimi dhe investimet të jenë efektive që të ndikojnë në ngritjen e kompetencës profesionale për profesionistët shëndetësor në Kosovë, me qëllim që qytetarëve t’u sigurohen shërbime korrekte shëndetësore, cilësore dhe të sigurta.