ILUSTRIM: Foto Policia e Kosoves
Zbulohen Dy Laboratorë të Drogës në Pejë
Dy laboratorë të sofistikuar për kultivimin e kanabisit janë zbuluar nga Policia e Kosovës në qytetin e Pejës.
Policia njofton se një 50-vjeçar me inicialet B.H. është arrestuar nën dyshimin se ka operuar me dy laboratorët për prodhimin e bimës së llojit Kanabis Sativa.
Njësiti antidrogë ka bastisur shtëpinë e të dyshuarit ku kanë sekuestruar ndër të tjera edhe një revole.
Sipas Policisë, gjatë bastisjes brenda shtëpisë janë zbuluar dy laboratorë të brendshëm të sofistikuar për prodhimin e bimës se llojit Kanabis Sativa, t[ pajisur edhe me sistem të nxehjes, ftohjes, ndriçimit, ventilimit, ujitjes, etj.
Gjatë operacionit janë sekuestruar 228 bimë të llojit kanabis.
Policia njofton se personit të arrestuar i është caktuar masa e mbajtjes prej 48 orëve.