Ramiz Lladrovci, PDK, Drenas. Foto: Atdhe Mulla
Lladrovci: Nuk kam lidhje me të dyshuarin për kërcënim të Xhavit Drenorit
Kryetari i Komunës së Drenasit, Ramiz Lladrovci thotë se nuk ka asnjë lidhje familjare me një person që dyshohet se ka kanosur ish-asambleistin në këtë komunë, Xhavit Drenorin.
Lladrovci përmes një statusi në Facebook tha mediat që i’u kanë referuar këtij personi si ‘daja’ i tij, kanë dezinformuar.
“Nuk kam kurrfarë lidhje me personin që kërcënon në rrjete socialePersoni që ka kërcënuar Xhavit Drenorin, ndaj të cilit Policia e Kosovës ka ngritur kallëzim penal, nuk ka asnjë lidhje familjare me mua, as që është daja im”, shkroi Lladrovci.
Ai tha se ky person ishte thirrurr si ‘daja i Ramiz Lladrovcit’.
Më poshtë mund ta lexoni postimin e plotë të Ramiz Lladrovcit:
Nuk kam kurrfarë lidhje me personin që kërcënon në rrjete sociale
Personi që ka kërcënuar Xhavit Drenorin, ndaj të cilit Policia e Kosovës ka ngritur kallëzim penal, nuk ka asnjë lidhje familjare me mua, as që është daja im.
Përhapja e lajmeve, pa saktësitë e duhura, shkakton huti, aq më keq, edhe keqkuptime. Lajmi me “thonjëza” mund të ngjall reagime të padëshirueshme, duke mos u kuptuar drejt se personi në fjalë, nuk është familjar imi.
Personi i dyshuar nga Lagja Zogu (Mulaku), nuk ka asnjë lidhje familjare me mua, as që e njoh e as që jam në dijeni se kush është. Kam kërkuar nga Policia e Kosovës, të japë sqarimet e duhura për rastin.
Edhe gjatë fushatës, kur Drenori ngriste dyshime për kërcënime, e kam inkurajuar të bëj padi dhe të gjendet kushdo që kërcënon dike, aq më parë, kur deklarohet rrejshëm në rrjetin social me përkatësi familjare.
Këto lloj “kërcënimesh” të cilat i kam pranuar shumë herë, kurrë nuk i kam marrë seriozisht, megjithatë, institucionet e drejtësisë le ta thonë fjalën e vet për këtë “kërcënues”, dhe unë ju ofroj bashkëpunim të plotë.
https://kallxo.com/ngritet-kallezim-penal-ndaj-te-dyshuarit-per-kercenim-te-xhavit-drenori/
