Foto: Urim Krasniqi/KALLXO.com
Kryetari i Vushtrrisë kërkon lirimin e personit që e kërcënoi
30.12.2023 - 15:40
Kryetari Komunës së Vushtrrisë, Ferit Idrizi dje gjatë ditës dyshohet se u kërcënua nga një person. Me urdhër të prokurorit, i njëjti ishte dërguar në mbajtje.
Në një deklarim për KALLXO.com, i pari i komunës së Vushtrrisë tha se kanosja erdhi përmes një telefonate. Por, Idrizi tha se ka kërkuar që të lirohet personi që e kërcënoi.
“Po, për fatin e keq, ishte një kanosje përmes telefonit dhe asgjë më tepër nuk ka ndodhur se atë që e keni dëgjuar”- u shpreh ai.
“Kanosësi është ndaluar dhe është në mbajtje, ndërsa unë dje kam kërkuar ta lirojnë, sepse konsideroj se është e kaluar”, tha Idrizi për KALLXO.com
Kryetari i Vushtrrisë, kishte pranuar kërcënime nga një person i dyshuar të premten e 29 dhjetorit, sipas njoftimit të policisë.