Munishi i kënaqur me futbollistët e tij përkundër humbjes nga Ulpiana
Gjilani u befasua nga Ulpiana duke u mposhtur me rezultat 2-3, në kuadër të xhiros së pestë në Superligën e Kosovës në futboll.
Trajneri i Gjilanit, Ismet Munishi ka thënë se është i kënaqur me angazhimin e futbollistëve të tij.
Ai ka folur edhe për ndeshjen e radhës që e kanë ndaj Dritës duke thënë se ka vlerë të madhe për skuadrën e tij.
“Unë jam shumë i kënaqur me angazhimin e futbollistëve, e dhanë maksimumin. U rikthyem në lojë, patëm disa raste edhe pas rezultatit 2:2, por nuk shënuam. Ne hyjmë në çdo ndeshje për të fituar. Kjo ndeshje ka pasur shumë episode. Nuk shënuam dhe pastaj pësuam. Nuk u testu Kastrati në sulm, por është lojtar i mirë në ajër. Ylberi i fitojë duelet e gjatësisë. Fitoni është lojtar i shpejt, arriti të shënoi. Tash e kemi derbin lokal dhe do të përgatitemi maksimalisht. Për neve do të thotë shumë derbi. Do të kthehen disa futbollistë nga lëndimet. Jam i kënaqur sot edhe me Yll Hoxhën që u rikthye pas lëndimit. Kampionati është i gjatë, do të vazhdojmë”, u shpreh Munishi.
