Tym në një Ndërtesë Banimi
30.1.2016 - 16:59
Objekti ndodhet në Lagjen “Tahir Demaj” të Pejës, prapa stacionit të autobusëve dhe afër Hambarit të Haxhi Zekës.
Gazetari i KALLXO.com mëson se në këtë banesë nuk ishte askush kur filloi të dalë tymi, ndërsa zjarrfikësit dhe policia janë në vendin e ngjarjes.
Blerim Husaj udhëheqës i ndërrimit të zjarrfikësve tha për KALLXO.com se nuk ka të lënduar.
“Nuk ka viktima, pasoja në njerëz. Si pasojë e zjarrit është dëmtu ni dhomë dhe disa elemente të dhomës, kurse nga tymi është dëmtuar pjesa më e madhe e banesës,” tha Husaj.
Ai tregoi se intervenimi i zjarrfikësve ka përfunduar, ndërsa tash organet tjera do të hetojnë shkaqet.