Sot Rifillon Qarkullimi i Trenave në Kosovë
01.10.2017 - 10:18
Pas dy muajsh ndërprerjeje sot pritet të rifillojë qarkullimi i trenave në Kosovë.
Rifillimin e qarkullimit të trenave e ka konfirmuar ministri i Infrastrukturës, Pal Lekaj për rtv21.tv.
“Ju konfirmoj që sot ne ora 16:00 edhe zyrtarisht do jemi bashkë për të rifilluar qarkullimi i trenit”, ka thënë Lekaj.
Ndërprerja e këtyre linjave është bërë për shkak të mungesës së mjeteve financiare, të cilat është dashur të sigurohen nga Qeveria e Kosovës.
Qarkullimi i trenave në linjat e rregullta ishte ndërprerë që nga 2 gushti i këtij viti./21Media