Tritoli i sekuestruar sot në Shkodër - Foto: Facebook/PoliciaeShtetit
Në Shkodër Kapen 15 Kallëpe Tritol
25.1.2018 - 16:18
Policia shqiptare në bazë të informacioneve të marra në rrugë operative ka arrestuar sot në flagrancë shtetasin N.K., 36 vjeç, banues në fshatin Gajtan i Sipërm, Shkodër.
Arrestimi i tij u bë pasi gjatë kontrollit të ushtruar në ambientet përreth banesës, janë gjetur dhe sekuestruar në cilësinë e provës materiale 15 copë kallëp të dyshuar tritol, si dhe 15 metra fitil zjarrpërcjellës.
Materialet procedurale i kaluan Prokurorisë Pranë Gjykatës së Shkallës së Parë Shkodër për veprën penale “Mbajtja pa leje dhe prodhimi i armëve, armëve shpërthyese dhe i municionit”.